1950 ഡിസംബർ 12-ന് ബെംഗളൂരുവിലാണ് രജനികാന്ത് എന്ന ശിവാജി റാവു ഗെയ്ക്ക്വാദ് ജനിച്ചത്. ഒരു ബസ് കണ്ടക്ടറായി ജോലി ചെയ്തിരുന്ന രജനികാന്ത്, 1975-ൽ കെ. ബാലചന്ദൻ സംവിധാനം ചെയ്ത അപൂർവ രാഗങ്ങൾ എന്ന ചിത്രത്തിലൂടെ സിനിമയിൽ അരങ്ങേറ്റം കുറിച്ചപ്പോൾ അതൊരു സാധാരണ താരത്തിന്റെ വരവ് മാത്രമല്ല, ഒരു സിനിമാ ചരിത്രത്തിൻ്റെ തുടക്കവുമായിരുന്നു.
ഇന്ന് തൻ്റെ 74-ാം വയസ്സിലും അദ്ദേഹം തമിഴ് സിനിമയുടെ സുപ്രധാന സാന്നിധ്യമായി തുടരുകയാണ്. അദ്ദേഹത്തിൻ്റെ സ്റ്റലും, ഡയലോഗ് ഡെലിവറിയും, വെള്ളിത്തിരയിലെ പ്രകടനവും കൊണ്ട് അദ്ദേഹം ആരാധകരുടെ സ്റ്റൈൽ മന്നനായി മാറി. ബാഷാ, അരുണാചലം, പടയപ്പ, ശിവാജി, എന്തിരൻ, ജയിലർ തുടങ്ങിയ ചിത്രങ്ങൾ അദ്ദേഹത്തെ ജനഹൃദയങ്ങളിലെ തലൈവറായി മാറ്റി.
ഇന്ന് രജനികാന്ത്, തന്റെ സിനിമാ ജീവിതത്തിലെ 50 വർഷങ്ങൾ പൂർത്തിയാക്കുകയാണ്. ഈ സംഭവ ബഹുലമായ സിനിമാ യാത്രയ്ക്കും പുതിയ ചിത്രമായ കൂലിയ്ക്ക് ആശംസകളുമായി നിരവധി താരങ്ങൾ രംഗത്തെത്തി. കമൽഹാസൻ, മമ്മൂട്ടി, മോഹൻലാൽ തുടങ്ങി ദക്ഷിണേന്ത്യൻ സിനിമയിലെ ഇതര സൂപ്പർതാരങ്ങൾ രജനിയെ അഭിനന്ദനങ്ങളുമായി നിറച്ച് വരവേൽക്കുകയാണ്.
തന്റെ അടുത്ത സുഹൃത്തും സഹതാരവുമായ രജനികാന്തിന് കമൽഹാസൻ തൻ്റെ ആശംസകൾ എക്സിൽ കുറിച്ചു
“സിനിമാ ബ്രീലിയൻസിന്റെ അരനൂറ്റാണ്ട്. എന്റെ പ്രിയ സുഹൃത്ത് രജനികാന്ത് ഇന്ന് സിനിമയിൽ 50 വർഷം പൂർത്തിയാക്കുകയാണ്. എന്റെ സൂപ്പർസ്റ്റാറിനെ സ്നേഹത്തോടെയും ആദരവോടെയും ഞാൻ ഓർക്കുകയണ്. കൂടാതെഅദ്ദേഹത്തിൻ്റെ പുതിയ ചിത്രമായ “കൂലി” ആഗോള വിജയമാകട്ടെ എന്ന് ആശംസിക്കുന്നു.” കൂടാതെ കൂലി എന്ന ചിത്രത്തിൻ്റെ അണിയറ പ്രവർത്തകർക്കും കമലാഹാസൻ ആശംസകൾ നേർന്നു.
“അതിരുകളില്ലാത്ത കരിഷ്മയും കഠിനാധ്വാനവും, സ്ക്രീനിലെ മായാജാലവും! പ്രിയപ്പെട്ട രജനി സാറിന് സിനിമാ ജീവിതത്തിൽ 50 വർഷം പൂർത്തിയാവുന്ന ഈ വലിയ നേട്ടത്തിൽ അഭിനന്ദനങ്ങൾ. പുതീീ ചിത്രമായ കൂലിക്ക് ആശംസകളും ഇനിയും ഇതുപോലെയുള്ള അനർഗ്ഗ നിമിഷങ്ങൾക്കും ആശംസകൾ.” – പുതിയ ചിത്രമായ കൂലിയുടെ പോസ്റ്റർ പങ്കുവെച്ചു കൊണ്ട് മോഹൻലാൽ രജനിക്ക് ആശംസകൾ നേർന്നു. രജനീ കാന്തിൻ്റെ സൂപ്പർഹിറ്റ് ചിത്രമായ ജയിലറിൽ അതിഥി വേഷത്തിൽ ഈയിടെ മോഹൻലാൽ അഭിനയിച്ചിരുന്നു.
രജനിയുടെ കൂടെ ഈ കാലഘട്ടത്തിൽ സിനിമയിൽ നിലകൊള്ളുന്നത് അഭിമാനകരമാണെന്നും താങ്കളോടൊപ്പം സ്ക്രീൻ പങ്കിടാൻ കഴിഞ്ഞത് വലിയ അംഗീകാരമായി കരുതുന്നതായും പുതിയ ചിത്രമായ. കൂലിക്ക് എല്ലാ ആശംസകളും നേരുന്നതായും.” മലയാള സിനിമയിലെ മറ്റൊരു ഇതിഹാസതാരമായ മമ്മൂട്ടി സാമൂഹ്യ മാധ്യമ പ്ളാറ്റ്ഫോമായ എക്സിലൂടെ തന്റെ ആശംസകൾ പങ്കുവെച്ചു
വിനയവും ആത്മവിശ്വാസവുമുള്ള വ്യക്തിത്വം രജനിയെ മറ്റുള്ളവരിൽ നിന്നും വ്യത്യസ്തനാക്കുന്നു. സിനിമക്കപ്പുറം മെയ്ക്കപ്പില്ലാതെ തലക്കനമില്ലാതെ ജീവിക്കുന്നത് കൊണ്ട് തന്നെ അദ്ദേഹംഒരോ സാധാരണക്കാരൻ്റേയും സൂപ്പർ താരമായി മാറി. ഓരോ തലമുറയിലും അദ്ദേഹത്തിന് വലിയ ആരാധക അടിത്തറയുള്ളതുകൊണ്ടാണ് രജനികാന്ത് ഇന്ന് 50 വർഷം പിന്നിട്ടിട്ടും ഇന്ത്യൻ സിനിമയിലെ ഏറ്റവും വലിയ നായകരിൽ ഒരാളായി തുടരുന്നത്. പുതിയ സിനിമയായ കൂലി റിലീസ് ചെയ്യാനിരിക്കെ, തലൈവറുടെ പ്രതീക്ഷകളും പ്രേക്ഷകരുടെ ആവേശവും ഏറ്റവും ഉയർന്ന നിലയിലാണ്.