പാലക്കാട്: ബിജെപി വൈസ് പ്രസിഡന്റ് സി.കൃഷ്ണകുമാറിനെതിരായ പീഡന ആരോപണത്തില് പ്രതിഷേധിച്ച് ബിജെപി ജില്ലാ കമ്മിറ്റി ഓഫീസിലേക്ക് കോണ്ഗ്രസ് നടത്തിയ മാര്ച്ചില് സംഘര്ഷം. പ്രവര്ത്തകര്ക്ക് നേരെ പൊലീസ് ജലപീരങ്കി പ്രയോഗം നടത്തി. പൊലീസ് മര്ദനത്തില് കോണ്ഗ്രസ് കൌണ്സിലറുടെ തലപൊട്ടി.
കനത്ത പൊലീസ് സന്നാഹമാണ് ബിജെപി ഓഫീസ് പരിസരത്ത് ഏര്പ്പെടുത്തിയത്. പൊലീസും പ്രവര്ത്തകരും തമ്മില് ഉന്തും തള്ളുമുണ്ടായി.
പ്രതിഷേധത്തില് നിരവധിയാളുകള്ക്ക് പരിക്കേറ്റു. സംഘര്ഷത്തില് കോണ്ഗ്രസ് കൗണ്സിലറുടെ തലക്ക് അടിയേറ്റു. പൊലീസ് ജലപീരങ്കി പ്രയോഗിച്ച ശേഷം പ്രവര്ത്തകരെ പൊലീസ് അറസ്റ്റ് ചെയ്ത് നീക്കി.