തിരുവനന്തപുരം: പ്രളയത്തില് മുങ്ങിപ്പോയ കേരളത്തിന്റെ പുനര് നിര്മ്മാണത്തില് പരിസ്ഥിതിയ്ക്ക് പ്രധാന്യം നല്കുന്ന നയങ്ങളായിരിക്കുമെന്ന് മുഖ്യമന്ത്രി പിണറായി വിജയന്.
നിലവിലെ ആരോപണങ്ങള് കാര്യമാക്കുന്നില്ല, ദുരിതബാധിതരെ സഹായിക്കേണ്ട എല്ലാ നടപടികളും സഹായങ്ങളും സ്വീകരിക്കും. ചെറുതെങ്കിലും എല്ലാവര്ക്കും സുരക്ഷിതമായ വീട് ഉണ്ടാകുമെന്നും മുഖ്യമന്ത്രി പറഞ്ഞു. നിലവിലെ ആശയക്കുഴപ്പങ്ങള് മാറുന്നതിനുള്ള എല്ലാ കാര്യങ്ങളും ചെയ്യുമെന്നും അദ്ദേഹം കൂട്ടിച്ചേര്ത്തു.
നമ്മുടെ കരുത്ത് നമ്മള് തിരിച്ചറിയേണ്ട സമയമാണിത്. ലോകമെങ്ങുമുള്ള മലയാളികളാണ് കേരളത്തിന്റെ കരുത്ത്. മലയാളികള് ഒരുമാസത്തെ ശമ്പളം നല്കിയാല് കേരളം കരകയറും. തുക പലഗഡുക്കളായി നല്കിയാല് മതി. പ്രവാസി മലയാളികള്ക്ക് ഇക്കാര്യത്തില് നിര്ണ്ണായക പങ്കുണ്ടാകും. എല്ലാവരുടെയും സഹായം തേടുമെന്ന് പിണറായി വിജയന് അറിയിച്ചു.