ന്യൂഡല്ഹി: റാഫേല് കരാറില് പ്രധാനമന്ത്രി നരേന്ദ്രമോദിയ്ക്കെതിരെ വീണ്ടും കോണ്ഗ്രസ് അധ്യക്ഷന് രാഹുല് ഗാന്ധി രംഗത്ത്.
പ്രതിരോധസേനകള്ക്കെതിരെ മോദി നടത്തിയ 1.3 ലക്ഷം കോടി രൂപയുടെ മിന്നലാക്രമണമാണ് റാഫേല് കരാര് എന്നാണ് രാഹുല് ഗാന്ധിയുടെ ആരോപണം. പ്രധാനമന്ത്രി നരേന്ദ്രമോദി അനില് അംബാനിയുമായി ചേര്ന്നാണ് പ്രതിരോധ സേനകള്ക്ക് നേരെ 1.3 ലക്ഷം കോടി രൂപയുടെ മിന്നലാക്രമണം നടത്തിയതെന്നാണ് അദ്ദേഹം ആരോപിച്ചത്.
രാജ്യത്തിന് വേണ്ടി ജീവന് ത്യജിച്ച സൈനികരുടെ രക്തത്തെയാണ് മോദി അപമാനിച്ചതെന്നും ചതിച്ചത് ഇന്ത്യയുടെ ആത്മാവിനെയാണെന്നും രാഹുല് വ്യക്തമാക്കി. റാഫേല് ഇടപാടില് ഫ്രഞ്ച് കമ്പനിയായ ഡസോള്ട്ട് ഏവിയേഷനൊപ്പം ഇന്ത്യന് സര്ക്കാര് പങ്കാളിയായി നിര്ദേശിച്ചത് മുകേഷ് അംബാനിയുടെ റിലയന്സ് ഡിഫന്സിനെയാണെന്ന് മുന് ഫ്രഞ്ച് പ്രസിഡന്റ് ഫ്രാന്സ്വാ ഒലാദിന്റെ വെളിപ്പെടുത്തല് ഉണ്ടായിരുന്നു.