തിരുവനന്തപുരം: എല്ലാ പ്രായത്തിലുള്ള സ്ത്രീകള്ക്കും ശബരിമലയില് പ്രവേശനം അനുവദിച്ചുകൊണ്ടുള്ള സുപ്രീംകോടതി വിധി അംഗീകരിക്കുന്നുവെന്ന് തിരുവിതാംകൂര് ദേവസ്വം ബോര്ഡ് പ്രസിഡന്റ് എ. പത്മകുമാര്. വിധി നടപ്പാക്കാന് ആവശ്യമായ കാര്യങ്ങള് ചെയ്യും. ദേവസ്വം ബോര്ഡ് നിയമത്തിന് വിധേയമാണെന്നും അദ്ദേഹം പറഞ്ഞു.
ശബരിമലയില് സ്ത്രീകള് പ്രവേശിക്കുമ്പോള് സ്വീകരിക്കേണ്ട മൂന്കരുതലുകള് സര്ക്കാരുമായി ആലോചിച്ച് നടപ്പാക്കുമെന്നും പത്മകുമാര് കൂട്ടിച്ചേര്ത്തു.
പത്തിനും അമ്പതിനും ഇടയില് പ്രായമുള്ള സ്ത്രീകളെ ശബരിമലയില് പ്രവേശിപ്പിക്കണമെന്ന ഹര്ജിയില് ചീഫ് ജസ്റ്റിസ് ദീപക് മിശ്ര അധ്യക്ഷനായ ഭരണഘടനാബെഞ്ചാണ് വിധി പറഞ്ഞത്. യങ് ലോയേഴ്സ് അസോസ്സിയേഷനാണ് ഇത് സംബന്ധിച്ച് ഹര്ജി നല്കിയത്. ശബരിമലയില് ഒരു വിഭാഗം സ്ത്രീകള്ക്ക് പ്രവേശനം നല്കാത്തത് ഭരണഘടനാ ലംഘനമാണോ എന്നാണ് സുപ്രീംകോടതി പരിശോധിച്ചത്.