ഗ്രൗണ്ടിനുള്ളിലും പുറത്തും ആരാധകര് ധോണിയുടെ അടുത്തേക്ക് വരുന്നതും ഫോട്ടോയെടുക്കുന്നതൊന്നും പുതുമയുള്ള കാര്യമല്ല. ധോണി അവരെ തൃപ്തിപ്പെടുത്തി പറഞ്ഞയക്കാറുമുണ്ട്. എന്നാല് ആസ്ട്രേലിയക്കെതിരെ രണ്ടാം ഏകദിനം നടക്കുന്ന നാഗ്പൂരില് ധോണിയുടെ അടുത്തേക്കൊരു ആരാധകന് ഓടിവന്നതാണ് ഇപ്പോള് ക്രിക്കറ്റ് പ്രേമികള്ക്കിടയില് തന്നെ തരംഗമാവുന്നത്.
https://twitter.com/i/status/1102913747251650560
ആരാധകനും ധോണിയും തമ്മില് ഓട്ടമായിരുന്നു ഗ്രൗണ്ടില്. ധോണിയെ ഒന്ന് തൊടാന് ‘തല’എന്ന ടീഷര്ട്ട് ധരിച്ചെത്തിയ ആ ആരാധകന് ശ്രമിക്കുന്നതും ധോണി ഒഴിഞ്ഞ് മാറുന്നതുമാണ് രസകരമായത്. സഹതാരങ്ങളുടെ ഇടയിലൂടെയായിരുന്നു ധോണിയുടെയും ആരാധകന്റെയും ഓട്ടം. അവസാനം ധോണി ആരാധകന് പിടികൊടുക്കുകയായിരുന്നു. പിന്നാലെ ആരാധകന് കളംവിടുകയും ചെയ്തു. രസകരമായ ആ വീഡിയോ നിമിഷനേരംകൊണ്ട് വൈറലാവുകയും ചെയ്തു.