ആലപ്പുഴ: കള്ളില് കഞ്ചാവിന്റെ അംശം കണ്ടെത്തിയതിനെ തുടര്ന്ന് ആലപ്പുഴയിലെ 22 ഷാപ്പുകള് എക്സൈസ് അധികൃതര് പൂട്ടിച്ചു. ചേര്ത്തല, കുട്ടനാട്, മാവേലിക്കര ഭാഗങ്ങളിലെ ഷാപ്പുകളാണ് പൂട്ടിച്ചത്. ഒക്ടോബറില് ശേഖരിച്ച സാംപിളുകളുടെ പരിശോധന ഫലം കഴിഞ്ഞ ദിവസമാണ് ലഭ്യമായത്. ഇതിലാണ് മായം ചേര്ക്കല് കണ്ടെത്തിയത്. ഷാപ്പുകളുടെ ലൈസന്സികളുടേയും വില്പ്പനക്കാരുടേയും പേരില് കേസെടുത്തതായി എക്സൈസ് അധികൃതര് അറിയിച്ചു. കള്ള് ഷാപ്പുകളുടെ ലൈസന്സും റദ്ദ് ചെയ്തിട്ടുണ്ട്. കള്ള് ഉത്പാദനം കുറഞ്ഞിരുന്ന സമയത്തെ സാംപിളുകളില് നിന്നുള്ള പരിശോധന ഫലമാണിത്. അതുകൊണ്ട് തന്നെ അതതു പ്രദേശങ്ങളില് നിന്ന് എത്തിച്ച കള്ളിലാണോ പുറത്ത് നിന്ന് കൊണ്ടു വന്ന കള്ളിലാണോ കഞ്ചാവിന്റെ അംശം കണ്ടെത്തിയതെന്ന് വ്യക്തമല്ല.
2019-03-27