മുംബൈ: മഹാരാഷ്ട്രയില് ത്രികക്ഷി എംഎല്എ മാരെ താമസിപ്പിച്ചിരിക്കുന്ന ഹോട്ടലില് എംഎല്എമാരെ അണിനിരത്തി ശിവസേന-എന്സിപി-കോണ്ഗ്രസ് സഖ്യത്തിന്റെ ശക്തിപ്രകടനം. മുംബൈയിലെ ഗ്രാന്ഡ് ഹയാത്ത് ഹോട്ടലിലാണ് ത്രികക്ഷി എംഎല്എമാര് അണിനിരന്നത്. 162 പേര് ഒപ്പമുണ്ടെന്ന് മഹാസഖ്യത്തിന്റെ നേതാക്കള് അവകാശപ്പെട്ടു.
എന്സിപി അധ്യക്ഷന് ശരദ് പവാര്, മകള് സുപ്രിയ സുലെ, ശിവസേനാ അധ്യക്ഷന് ഉദ്ധവ് താക്കറേ, ശിവസേന പാര്ട്ടി വക്താവ് സഞ്ജയ് റാവത്ത്, കോണ്ഗ്രസ് നേതാവ് മല്ലികാര്ജുന് ഖാര്ഗെ ഉള്പ്പെടെയുള്ള നേതാക്കളുടെ നേതൃത്വത്തിലാണ് എംഎല്എമാര് ഹോട്ടലില് ഒരുമിച്ചത്. നമ്മുടെ പോരാട്ടം കേവലം അധികാരത്തിനു വേണ്ടി മാത്രമുള്ളതല്ല. സത്യത്തിന്റെ വിജയത്തിനു കൂടി വേണ്ടിയുള്ളതാണെന്ന് യോഗത്തില് പ്രസംഗിച്ച ഉദ്ധവ് താക്കറേ പറഞ്ഞു