ബെയ്ജിങ്: ചൈനയില് 508 പേര്ക്ക് കൂടി കൊറോണ വൈറസ് ബാധ സ്ഥിരീകരിച്ചതായി ചൈനയിലെ ദേശീയ ആരോഗ്യ കമ്മീഷന് ചൊവ്വാഴ്ച വ്യക്തമാക്കി. ഇതോടെ രാജ്യത്തുടനീളം കൊറോണ ബാധിതരുടെ എണ്ണം 77,658 ആയി ഉയര്ന്നു. ഇത് വരെയായി ചൈനയിൽ 2663 പേർ മരിച്ചതായാണ് അറിയുന്നത്.
71 പേരുടെ മരണമാണ് ചൊവ്വാഴ്ച സ്ഥിരീകരിച്ചത്. വുഹാനില് മാത്രം പുതുതായി 56 പേർ മരിച്ചതായാണ് റിപ്പോർട്ട്. വൈറസ് ബാധയെത്തുടര്ന്ന് ചൈനയില് മാര്ച്ചില് നടക്കേണ്ട പാര്ലമെന്റിന്റെ വാര്ഷികസമ്മേളനവും നീട്ടിവെച്ചിട്ടുണ്ട്.
