തിരുവനന്തപുരം: സംസ്ഥാനത്ത് ഇന്ന് 32 പേര്ക്ക് കൂടി കൊറോണ സ്ഥിരീകരിച്ചു. കൊറോണ അവലോകനയോഗത്തിനു ശേഷം തിരുവനന്തപുരത്ത് വാര്ത്താ സമ്മേളനത്തില് മുഖ്യമന്ത്രി പിണറായി വിജയനാണ് ഇക്കാര്യം വ്യക്തമാക്കിയത്.ഇതില് 17 പേര് വിദേശത്തുനിന്നു വന്നവരാണ്. 15പേര്ക്ക് സമ്പര്ക്കം മൂലമാണ് കൊറോണ ബാധിച്ചത്. കാസര്കോട്ട് 15 പേര്ക്കും കണ്ണൂര് 11 പേര്ക്കും വയനാട്, ഇടുക്കി എന്നിവിടങ്ങളില് രണ്ടുവീതം പേർക്കുമാണ് രോഗം സ്ഥിരീകരിച്ചത്. ഇതോടെ സംസ്ഥാനത്തെ ആകെ രോഗികളുടെ എണ്ണം 213 ആയി.
1,57,253 പേരാണ് ഇപ്പോള് സംസ്ഥാനത്ത് നിരീക്ഷണത്തിലുള്ളത്. ഇതില് 1,56,660 പേര് വീടുകളിലാണുള്ളത്. 623 പേര് ആശുപത്രികളിലും നിരീക്ഷണത്തില് കഴിയുന്നു. തിങ്കളാഴ്ച മാത്രം 126 പേരെ ആശുപത്രിയില് പ്രവേശിപ്പിച്ചു. പരിശോധനയ്ക്ക് അയച്ച 6991 സാമ്പിളുകളിൽ 6031 എണ്ണത്തിന്റെ ഫലം നെഗറ്റീവാണ്.
2020-03-30