എസ്എസ്എല്സി, പ്ലസ് ടു പരീക്ഷാഫലങ്ങള് ഈ മാസം അവസാനം പ്രസിദ്ധീകരിക്കും. മൂല്യനിര്ണയം ഈയാഴ്ച പൂര്ത്തിയാകും. തുടര്ന്ന് ഒരാഴ്ചയ്ക്കകം ഫലം പ്രഖ്യാപിക്കാനാകും. ജൂലൈ ആദ്യവാരം തന്നെ പ്ലസ് വണ്, ബിരുദ പ്രവേശന നടപടികള് തുടങ്ങാനാണു സര്ക്കാരിന്റെ ശ്രമം. ഹോട്സ്പോട്ട്, കണ്ടെയ്ന്മെന്റ് മേഖലകളിലെ ചില കേന്ദ്രങ്ങളില് അധ്യാപകര് എത്താത്തതിനാല് മൂല്യനിര്ണയം തടസ്സപ്പെട്ടെങ്കിലും പകരം സംവിധാനം ഏര്പ്പെടുത്തിയിട്ടുണ്ടെന്നു വിദ്യാഭ്യാസ വകുപ്പ് അറിയിച്ചു.
2020-06-15