ബെംഗളൂരു: കര്ണാടകയിലെ മാണ്ഡ്യ ലോക്സഭാംഗവും മുന് ചലച്ചിത്രതാരവുമായ സുമലത അംബരീഷിന് കോവിഡ് സ്ഥിരീകരിച്ചു. സുമലത തന്നെയാണ് ഇക്കാര്യം ഫേസ്ബുക്കിലൂടെ പങ്കുവെച്ചത്. ജൂലൈ നാലിന് തലവേദനയും തൊണ്ടവേദനയും അനുഭവപെട്ടതിനെ തുടര്ന്നായിരുന്നു ഡോക്ടറെ സമീപിച്ചത്. തുടര്ന്ന് സ്രവം പരിശോധനയ്ക്ക് അയയ്ക്കുകയും ഇന്ന് കോവിഡ് സ്ഥിരീകരിക്കുകയുമായിരുന്നു. ഒരാഴ്ച മുന്പ് സുമലത വിധാന് സൗധയില് കര്ണാടക മുഖ്യമന്ത്രി ബി.എസ്. യെദ്യൂരപ്പയുമായി കൂടിക്കാഴ്ച നടത്തിയിരുന്നതായി റിപ്പോർട്ട് ഉണ്ട്.
2020-07-06