തിരുവനന്തപുരം: സ്വര്ണക്കടത്ത് കേസുകളിലെ പ്രതികളുമായുള്ള മുന് ഐടി സെക്രട്ടറി എം. ശിവശങ്കറിന്റെ ഫോണ് ബന്ധങ്ങളും സര്ക്കാര് അന്വേഷിക്കും. മുഖ്യമന്ത്രി പിണറായി വിജയനാണ് ഇക്കാര്യം അറിയിച്ചത്. ചീഫ് സെക്രട്ടറി തല സമിതിയാണ് അന്വേഷിക്കുന്നത്.
ശിവശങ്കറിന്റെ ഫോണ് വിളികളുടെ രേഖകള് പുറത്തായതിനു പിന്നാലെയാണ് അന്വേഷണം പ്രഖ്യാപിച്ചിരിക്കുന്നത്. സ്വര്ണക്കടത്ത് കേസിലെ സ്വപ്നയും സരിത്തുമായി ശിവശങ്കര് ബന്ധപ്പെട്ടതായി പുറത്തുവന്നിരിക്കുകയാണ്. നേരായ രീതിയിലാണോ ഇവര് തമ്മിലുള്ള ബന്ധമെന്നതു സംബന്ധിച്ചാണ് അന്വേഷിക്കുന്നതെന്നും മുഖ്യമന്ത്രി പറഞ്ഞു.
2020-07-14