തിരുവനന്തപുരം : ചലച്ചിത്ര താരം അനില് നെടുമങ്ങാട് (48) മുങ്ങി മരിച്ചു.
തൊടുപുഴ മലങ്കര ഡാമില് കയത്തില്പ്പെടുകയായിരുന്നു.ഷൂട്ടിങ്ങിനിടെ സുഹൃത്തുക്കൾക്കൊപ്പം കുളിക്കാനിറങ്ങിയതായിരുന്നു അദ്ദേഹം. ഏറെ നേരത്തെ തിരച്ചിലിനൊടുവിലാണ് അനിലിനെ കരയ്ക്ക് എത്തിക്കാനായത്. കമ്മട്ടിപ്പാടം, അയ്യപ്പനും കോശിയും സിനിമകളില് പ്രധാന വേഷങ്ങള് ചെയ്തിരുന്നു. ആഭാസം, കിസ്മത് തുടങ്ങിയ സിനിമകളിലും വേഷമിട്ടിട്ടുണ്ട്. സമീപ കാലത്തിറങ്ങിയ നിരവധി ചിത്രങ്ങളില് ശ്രദ്ധേയമായ വേഷങ്ങള് ചെയ്ത നടനാണ് അനില് നെടുമങ്ങാട്.
ആറ് മണിയോടടുത്തായിരുന്നു സംഭവം. ജോജു ജോര്ജ്ജ് നായകനായ ‘പീസ്’ സിനിമയുടെ ഷൂട്ടിങ്ങിനായാണ് അനില് നെടുമങ്ങാട് തൊടുപുഴയിലെത്തിയത്. സിനിമയുടെ ഷൂട്ടിങ് ഇടവേളക്കിടയില് തൊട്ടടുത്തുള്ള ഡാമില് കുളിക്കാനിറങ്ങിയതായിരുന്നു. ഈ സമയം കയത്തില്പ്പെടുകയായിരുന്നു. ജലാശയത്തിലെ ആഴമുള്ള കയത്തിലേക്ക് അബദ്ധത്തില് അനില് വീണു പോയെന്നാണ് വിവരം.മൃതദേഹം സ്വകാര്യ ആശുപത്രിയിലെത്തിച്ചു. ആശുപത്രിയിലെത്തിക്കുമ്പോള് തന്നെ മരിച്ചിരുന്നുവെന്നാണ് അറിയുന്നത്. മൃതദേഹം ജില്ലാ ആശുപത്രിയിലേക്ക് മാറ്റും.