തിരുവനന്തപുരം: കോവിഡ് പ്രതിസന്ധിയെ തുടര്ന്ന് നിയന്ത്രണമേര്പ്പെടുത്തിയ തീയറ്റര് വ്യവസായത്തിന് ആശ്വാസം. സംസ്ഥാനത്ത് ഇന്ന് മുതല് സെക്കന്ഡ് ഷോകള് അനുവദിക്കും.ഉച്ചയ്ക്ക് 12 മുതൽ രാത്രി 12 വരെ പ്രദർശനം നടത്താമെന്നാണ് പുതിയ ഉത്തരവിൽ പറയുന്നത്. നേരത്തേ രാവിലെ ഒമ്പത് മുതൽ രാത്രി ഒമ്പതുവരെയായിരുന്നു അനുമതിയുണ്ടായിരുന്നത്. പകുതി സീറ്റുകളിൽ മാത്രം കാണികളെ പ്രവേശിപ്പിക്കുകയെന്ന തീരുമാനത്തിൽ മാറ്റമുണ്ടാകില്ല. പുതിയ ഉത്തരവ് വന്നതോടെ ചൊവ്വാഴ്ച്ച മുതൽ തിയേറ്ററുകളിൽ സെക്കൻഡ് ഷോ തുടങ്ങുമെന്ന് കേരള ഫിലിം എക്സിബിറ്റേഴ്സ് യുണൈറ്റഡ് ഓർഗനൈസേഷൻ അറിയിച്ചു. 50 ശതമാനം സീറ്റുകളില് മാത്രം പ്രവേശനം.
2021-03-09