സമൂഹമാധ്യമങ്ങളെ നിയന്ത്രിക്കാനുള്ള നീക്കത്തിൽ ട്വിറ്ററിന്റെ പ്രതികരണത്തിനെതിരെ കേന്ദ്ര സർക്കാർ. ട്വിറ്റര് രാജ്യത്തെ നിയമം അനുസരിക്കാന് തയ്യാറാകണമെന്നും നിയമം എന്തായിരിക്കണമെന്ന് നിർദേശിക്കേണ്ടെന്നും കേന്ദ്രസര്ക്കാര് ആവശ്യപ്പെട്ടു. അഭിപ്രായസ്വാതന്ത്ര്യത്തിന് തടസ്സമാകുന്ന നിയന്ത്രണങ്ങളില് മാറ്റം വരുത്തണമെന്ന് ട്വിറ്റര് പ്രതികരിച്ചിരുന്നു. വിഷയത്തില് ട്വിറ്റര് ഉരുണ്ടുകളിക്കുന്നത് നിര്ത്തി രാജ്യത്തെ നിയമങ്ങള് അനുസരിക്കാന് തയ്യാറാകണം. നിയമനിര്മാണവും നയരൂപവത്കരണവും രാജ്യത്തിന്റെ സവിശേഷാധികാരമാണ്. ഒരു സോഷ്യല് മീഡിയാ പ്ലാറ്റ്ഫോം മാത്രമായ ട്വിറ്ററിന് ഇന്ത്യയുടെ നിയമ ഘടന എന്തായിരിക്കണമെന്ന് നിര്ദേശിക്കാനാവില്ല. ട്വിറ്ററിന്റെ പ്രസ്താവന അടിസ്ഥാനരഹിതവും ഇന്ത്യയെ അപകീര്ത്തിപ്പെടുത്താനുമുള്ളതാണെന്നും കേന്ദ്ര ഇലക്ട്രോണിക്-ഐടി മന്ത്രാലയം പ്രസ്താവനയില് പറഞ്ഞു.
2021-05-27