ന്യൂഡല്ഹി: ഇന്ത്യയില് നടക്കുന്ന പ്രവാസികളുടെ വിവാഹങ്ങള് 48 മണിക്കൂറിനകം രജിസ്റ്റര് ചെയ്തിരിക്കണമെന്ന വ്യവസ്ഥ കൊണ്ടുവരുമെന്ന് മന്ത്രി മേനക ഗാന്ധി. 48 മണിക്കൂറിനകം രജിസ്റ്റര് ചെയ്യാത്ത പക്ഷം പാസ്പോര്ട്ടും വിസയും റദ്ദാക്കുന്നത് അടക്കമുള്ള കര്ശന നടപടികളുണ്ടാവുമെന്നും മേനക ഗാന്ധി അറിയിച്ചു.
ഭാര്യമാരെ ഇന്ത്യയില് ഉപേക്ഷിച്ച് പോകുന്ന പ്രവാസികളുടെ ലുക്ക് ഔട്ട് നോട്ടീസുകളുടെ എണ്ണം രാജ്യത്ത് വര്ധിക്കുന്ന സാഹചര്യത്തിലാണ് നടപടി. സമീപകാലത്തായി ആറ് ലുക്ക് ഔട്ട് നോട്ടീസുകളാണ് വനിതാ ശിശുക്ഷേമ മന്ത്രാലയത്തില് റിപ്പോര്ട്ട് ചെയ്തിട്ടുള്ളത്.