തിരിച്ചെടുക്കാന് കഴിയാത്ത വിധം ഫോണ് രേഖകള് ദിലീപ് നശിപ്പിച്ചുവെന്ന് ക്രൈംബ്രാഞ്ച്ര്. ഷാര്ജ ക്രിക്കറ്റ് അസോസിയേഷന് സിഇഒ ഗാലിഫുമായുള്ള ചാറ്റുകള് പൂര്ണമായും നീക്കം ചെയ്തു. മലപ്പുറം സ്വദേശി ജാഫര്, തൃശൂര് സ്വദേശി നസീര്, എന്നിവരുടേതുള്പ്പെടെ 12 ചാറ്റുകളാണ് ദിലീപ് നശിപ്പിച്ചത്. ദിലീപുമായി നിരവധി സാമ്പത്തിക ഇടപാടുകളുള്ള വ്യക്തിയാണ് ഗാലിഫ്. ഇയാള് സിനിമാ മേഖലയിലും നിക്ഷേപം നടത്തിയിട്ടുണ്ട്. കാവ്യാ മാധവന്, സഹോദരി ഭര്ത്താവ് സൂരജ്, മലയാളത്തിലെ പ്രമുഖ നടി എന്നിവരുമായുള്ള ചാറ്റുകളും ഡിലീറ്റ് ചെയ്തു.
വധഗൂഢാലോചനക്കേസില് ദിലീപിന്റെ ഫോണിലെ വിവരങ്ങള് നശിപ്പിക്കാന് സഹായിച്ച വിന്സന്റ് ചൊവ്വല്ലൂരിനെ ക്രൈംബ്രാഞ്ച് ഇന്നലെ ചോദ്യംചെയ്തിരുന്നു. അതിനിടെ നടിയെ ആക്രമിച്ച കേസില് ദിലീപിന്റെ അഭിഭാഷകനെതിരെ വീണ്ടും പരാതിയുമായി അതിജീവിത കഴിഞ്ഞദിവസം രംഗത്തെത്തി.
ബാര് കൗണ്സിലില് നേരിട്ടെത്തി അതിജീവിത അഡ്വക്കറ്റ് രാമന് പിള്ളയ്ക്കെതിരെ പരാതി നല്കുകയായിരുന്നു. രാമന് പിള്ള തെളിവ് നശിപ്പിക്കാന് ശ്രമിച്ചു എന്ന് അതിജീവിത പരാതിയില് പറയുന്നു.