പത്തനംതിട്ട: ശബരിമല തീര്ഥാടകര് സഞ്ചരിച്ച ബസ് മറിഞ്ഞ് അപകടം. പത്തനംതിട്ടയിലെ ളാഹയിലാണ് സംഭവം. അപകടത്തില് ഒരു കുട്ടിയടക്കം ഏഴ് പേര്ക്ക് പരിക്കേറ്റു.
ആന്ധ്രാ സ്വദേശികളായ തീര്ഥാടകരുടെ മിനി ബസാണ് റോഡില് മറിഞ്ഞത്. അയ്യപ്പ ദര്ശനം കഴിഞ്ഞു മടങ്ങുകയായിരുന്നു ബസ്സിലുണ്ടായിരുന്നവര്. 34 പേരാണ് ബസില് ഉണ്ടായിരുന്നത്.
ആരുടേയും പരിക്ക് ഗുരുതരമല്ലെന്നാണ് വിവരം. പരിക്കേറ്റവരില് രണ്ടാളുകളെ പത്തനംതിട്ട ജനറല് ആശുപത്രിയിലും മറ്റുള്ളവരെ പെരിനാട് ആശുപത്രിയിലും പ്രവേശിപ്പിച്ചു.
ശബരിമല ദര്ശനം കഴിഞ്ഞ് മടങ്ങവെ പുലര്ച്ചെ അഞ്ചരയോടെയാണ് അപകടം ഉണ്ടായിരിക്കുന്നത്. ളാഹയ്ക്കും പുതുക്കടയ്ക്കും ഇടയിലാണ് അപകടം. റോഡരികിലെ ഡിവൈഡറിലിടിച്ച വാഹനം റോഡില് തന്നെ മറിയുകയായിരുന്നു.