തിരുവനന്തപുരം: സംസ്ഥാനത്ത് മഴയ്ക്ക് നേരിയ ശമനം വന്നെങ്കിലും ശക്തമായ കാറ്റിനും മഴയ്ക്കുമുള്ള സാധ്യത നിലനില്ക്കുന്നതിനേത്തുടര്ന്ന് എട്ടു ജില്ലകളില് വീണ്ടും റെഡ് അലര്ട്ട് പ്രഖ്യാപിച്ചു. വയനാട്, ഇടുക്കി, ആലപ്പുഴ, കണ്ണൂര്, എറണാകുളം, പാലക്കാട്, മലപ്പുറം, കോഴിക്കോട് എന്നീ ജില്ലകളിലാണ് റെഡ് അലര്ട്ട് പ്രഖ്യാപിച്ചിരിക്കുന്നത്.
വയനാട്, ഇടുക്കി ജില്ലകളില് ഓഗസ്റ്റ് 14 വരെ റെഡ് അലര്ട്ടും ഓഗസ്റ്റ് 15 വരെ ഓറഞ്ച് അലര്ട്ടും പ്രഖ്യാപിച്ചു. ആലപ്പുഴ, കണ്ണൂര് ജില്ലകളില് ഓഗസ്റ്റ് 13 വരെ റെഡ് അലര്ട്ടും 15 വരെ ഓറഞ്ച് അലര്ട്ടും പ്രഖ്യാപിച്ചപ്പോള് എറണാകുളം, പാലക്കാട്, മലപ്പുറം, കോഴിക്കോട് എന്നീ നാല് ജില്ലകളില് ഓഗസ്റ്റ് 12 വരെ റെഡ് അലര്ട്ടും ഓഗസ്റ്റ് 14 വരെ ഓറഞ്ച് അലര്ട്ടുമാണ് പ്രഖ്യാപിച്ചിരിക്കുന്നത്.
സംസ്ഥാന ദുരന്തനിവാരണ അതോറിറ്റിയാണ് ഇത് സംബന്ധിച്ച മുന്നറിയിപ്പ് പുറപ്പെടുവിച്ചത്.