തിരുവനന്തപുരം: രക്ഷ പ്രവര്ത്തനത്തിനായി ഉന്നത ഉദ്യോഗസ്ഥര് മുതല് താഴെവരെയുള്ള 35000 ത്തിലേറെ പോലീസ് ഉദ്യോഗസ്ഥരെ ദുരിതാശ്വാസ പ്രവര്ത്തനങ്ങള്ക്കായി വിന്യസിപ്പിച്ചു.
വനിതാ കമാന്ഡോകള്, വിവിധ സായുധസേനാ ബറ്റാലിയനുകള്, ആര്ആര്ആര്എഫ് തുടങ്ങി എല്ലാ വിഭാഗങ്ങളേയും ഏകോപിപ്പിച്ചു .കോസ്റ്റല് പൊലീസിന്റെ 258 ബോട്ടുകള് വിവിധ സ്റ്റേഷനുകളില് നിന്ന് സംസ്ഥാനത്തെ വിവിധ ദുരിതാശ്വാസമേഖലകളില് രക്ഷാപ്രവര്ത്തനത്തിന് എത്തിച്ചിരിക്കുകയാണ്.മൊബൈല് ബന്ധം തകരാറിലായ സ്ഥലങ്ങളില് ആവശ്യമുള്ള ബോട്ടുകള്ക്കൊപ്പം വയര്ലെസ് സെറ്റും അതു കൈകാര്യം ചെയ്യേണ്ട ഉദ്യോഗസ്ഥരേയും നിയോഗിച്ചിട്ടുണ്ടെന്ന് സംസ്ഥാന പൊലീസ് മേധാവി ലോക്നാഥ് ബെഹറ അറിയിച്ചു.