ഇന്ത്യയ്ക്ക് മഹാനായ പുത്രനെ നഷ്ടപ്പെട്ടെന്നായിരുന്നു വാജ്പേയിയുടെ വിയോഗത്തില് കോണ്ഗ്രസ് പ്രസിഡന്റ് രാഹുല് ഗാന്ധിയുടെ പ്രതികരണം. വാജ്പേയിയുടെ വിയോഗം ഒരു യുഗത്തിന്റെ അവസാനമാണെന്ന് പ്രധാനമന്ത്രി നരേന്ദ്രമോദി ട്വിറ്ററില് കുറിച്ചു. നിരവധി പ്രമുഖ വ്യക്തികള് അദ്ദേഹത്തിന് ആദരാജ്ഞലികള് അര്പ്പിച്ചു. ബിജെപി ആസ്ഥാനത്തു പൊതുദര്ശനത്തിന് വച്ചതിനു ശേഷം യമുനാതീരത്തെ സ്മൃതി സ്ഥലില് ഇന്ന് ഉച്ചയ്ക്ക് 1 :30യ്ക്കായിരുന്നു
സംസ്കാര ചടങ്ങുകള്.
21ാം നൂറ്റാണ്ടിന് വേണ്ട കരുത്തുറ്റ, ഐശ്വര്യപൂര്ണമായ ഇന്ത്യയ്ക്ക് വേണ്ട അടിത്തറയൊരുക്കിയത് അടല്ജിയുടെ മാതൃകാപരമായ നേതൃത്വമായിരുന്നു. വ്യത്യസ്ത മേഖലകളില് ഭാവിയെ മുന്നില് കണ്ട് അദ്ദേഹം നടപ്പാക്കിയ നയങ്ങള് ഓരോ ഇന്ത്യക്കാരനെയും തൊട്ടു. രാജ്യത്തിനുവേണ്ടിയാണ് അദ്ദേഹം ജീവിച്ചത്, ജാഗ്രതയോടെ പതിറ്റാണ്ടുകളോളം. ദു:ഖത്തിന്റെ ഈ മണിക്കൂറില് അദ്ദേഹത്തിന്റെ കുടുംബത്തിനും ബിജെപി അണികള്ക്കും വാജ്പേയിയെ ആരാധനയോടെ മനസ്സില് കൊണ്ടുനടന്ന ലക്ഷങ്ങള്ക്കൊപ്പവും പങ്കുചേരുന്നു.തന്നെ സംബന്ധിച്ച് വ്യക്തിപരമായി ഇത് നികത്താനാവാത്ത ഒരു നഷ്ടമാണെന്നും പ്രധാനമന്ത്രി അനുസ്മരിച്ചു.