പാലക്കാട്: പോക്സോ കേസ് അതിജീവിതമാരായ രണ്ട് പെൺകുട്ടികളെ കാണാതായതായി പരാതി. 16 വയസുകാരായ പെൺകുട്ടികളെ പാലക്കാട്ടെ സംരക്ഷണ കേന്ദ്രത്തിൽ നിന്നാണ് കാണാതായത്.
ഇന്നലെ രാത്രിയായിരുന്നു സംഭവം. പാലക്കാട് ചന്ദ്രനഗറിൽ സർക്കാരിന്റെ മേൽനോട്ടത്തിൽ സ്വകാര്യ ട്രസ്റ്റിന്റെ ഉടമസ്ഥതയിലുള്ള കേന്ദ്രത്തിൽ നിന്നാണ് കുട്ടികളെ കാണാതായത്. ഒരാൾ കൊല്ലങ്കോട് പൊലീസ് സ്റ്റേഷനിൽ രജിസ്റ്റർ ചെയ്ത കേസിലെ അതിജീവിതയും ഒരാൾ മങ്കര സ്റ്റേഷനിൽ രജിസ്റ്റർ ചെയ്ത കേസിലെ അതിജീവിതയുമാണ്. സംഭവത്തിൽ കസബ പൊലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. മാസങ്ങൾക്ക് മുൻപ് ഇതേ കേന്ദ്രത്തിൽ നിന്ന് മൂന്ന് പെൺകുട്ടികളെ കാണാതായിരുന്നു. അന്നുതന്നെ ഇവരെ കണ്ടെത്തുകയും ചെയ്തു.