തിരുവനന്തപുരം; സംസ്ഥാനത്ത് ഇന്ന് പതിമൂന്ന് പേര്ക്ക് കൂടി കൊവിഡ് സ്ഥിരീകരിച്ചതായി മുഖ്യമന്ത്രി വാർത്താസമ്മേളനത്തിൽ അറിയിച്ചു. പതിമൂന്ന് പേര് രോഗമുക്തരാവുകയും ചെയ്തു. ഇതോടെ രോഗം സ്ഥിരീകരിച്ചവരുടെ എണ്ണം 481 ആയി ഉയര്ന്നു.
കോട്ടയം 6 പേര്ക്കും ഇടുക്കിയില് നാല് പേര്ക്കും പാലക്കാട് മലപ്പുറം കണ്ണൂര് എന്നിവിടങ്ങളില് നിന്ന് ഒരോരുത്തര്ക്ക് വീതവുമാണ് രോഗം സ്ഥിരീകരിച്ചത്. ഇന്ന് രോഗം സ്ഥിരീകരിച്ചവരില് അഞ്ച് പേര് തമിഴ്നാട്ടില് നിന്നുള്ളവരാണ്. ഒരാള് വിദേശത്ത് നിന്നും വന്നതാണ്. ഒരാള്ക്ക് രോഗം ബാധിച്ചത് എങ്ങനെയെന്ന് കണ്ടെത്താനായില്ല. ബാക്കിയുള്ളവര്ക്ക് രോഗം ബാധിച്ചത് സമ്പര്ക്കത്തിലൂടെയാണ്.
കണ്ണൂര് 6 പേര്ക്കും കോഴിക്കോട് നാല് പേര്ക്കും തിരുവനന്തപുരം, മലപ്പുറം, എറണാകുളം എന്നിവിടങ്ങളില് ഒരാള്ക്ക് വീതവുമാണ് രോഗം ഭേദമായത്. നിലവില് 123 പേര് ചികിത്സയിലുണ്ട്. സംസ്ഥാനത്ത് ആകെ 20301 പേര് നിരീക്ഷണത്തിലുണ്ട്. ഇതില് 19812 പേര് വീടുകളിലും 489 പേര് ആശുപത്രികളിലുമാണ്. ഇന്ന് മാത്രം 104 പേരെയാണ് ആശുപത്രിയില് പ്രവേശിപ്പിച്ചത്. ഇതുവരെ 23271 സാമ്പിളുകള് പരിശോധനയ്ക്ക് അയച്ചു. ഇതില് 22537 എണ്ണം നെഗറ്റീവായി എന്നും മുഖ്യമന്ത്രി അറിയിച്ചു.
2020-04-27