ബംഗളൂരു: കന്നഡ സിനിമ താരവും നടി മേഘ്ന രാജിൻറെ ഭര്ത്താവുമായ ചിരഞ്ജീവി സര്ജ അന്തരിച്ചു. 39 വയസായിരുന്നു. ഹൃദയാഘാതമാണ് മരണകാരണം. കഴിഞ്ഞ ദിവസം ശ്വാസതടസം അനുഭവപ്പെട്ടതിനെത്തുടര്ന്ന് ബംഗളൂരുവിലെ സാഗര് ആശുപത്രിയില് ചികിത്സയില് കഴിയുകയായിരുന്നു. തെന്നിന്ത്യന് സൂപ്പര് താരം അര്ജുന് സര്ജയുടെ അനന്തരവനും കന്നഡ സൂപ്പര് താരം ധ്രുവ സര്ജയുടെ സഹോദരനുമാണ്. കോവിഡ് പശ്ചാത്തലത്തില് താരത്തിൻറെ സ്രവം പരിശോധനക്കയച്ചു. ഇതിനോടകം 22 ചിത്രങ്ങളില് അഭിനയിച്ചിട്ടുണ്ട്. 2009ല് പുറത്തിറങ്ങിയ വായുപുത്രയാണ് ആദ്യ ചിത്രം. അവസാനചിത്രമായ ശിവാർജ്ജുന ലോക്ഡൗണിനു തൊട്ടു മുൻപാണ് തീയേറ്ററുകളിൽ എത്തിയത്.
2020-06-07