തിരുവനന്തപുരം∙ കേരളത്തില് ഇന്ന് ( 14-9-20) 2450 പേര്ക്ക് കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയൻ കൊറോണ അവലോകന യോഗത്തിനു ശേഷം അറിയിച്ചു. 2110 പേർ രോഗമുക്തരായി. 2346 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 212 പേരുടെ സമ്പര്ക്ക ഉറവിടം വ്യക്തമല്ല. 15 മരണങ്ങൾ കോവിഡ് മൂലമാണെന്ന് സ്ഥിരീകരിച്ചു. ഇതോടെ ആകെ മരണം 454 ആയി. മലപ്പുറം 482, കോഴിക്കോട് 382, തിരുവനന്തപുരം 332, എറണാകുളം 255, കണ്ണൂര് 232, പാലക്കാട് 175, തൃശൂര് 161, കൊല്ലം 142, കോട്ടയം 122, ആലപ്പുഴ 107,ഇടുക്കി 58, കാസര്ഗോഡ് 56, വയനാട് 20, പത്തനംതിട്ട 16 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
2020-09-14