ബംഗളൂരു∙ ബിനീഷ് കോടിയേരിക്കു മേല് കുരുക്കു മുറുക്കി എന്ഫോഴ്സ്മെന്റ് ഡയറക്ടറേറ്റ് (ഇഡി). ബിനീഷ് ലഹരി മരുന്ന് ഉപയോഗിച്ചിരുന്നുവെന്നും കേരളത്തിലും ദുബായിലും കേസുള്ള സ്ഥിരം കുറ്റവാളിയാണെന്നും ഇഡി കോടതിയെ അറിയിച്ചു. തുടര്ച്ചയായ ആറാം ദിവസത്തെ ചോദ്യം ചെയ്യല് തുടരുകയാണ്. ഇതിനകം 40 മണിക്കൂറിലധികം സമയം ബിനീഷ് ഇഡിയുടെ ചോദ്യങ്ങള് നേരിട്ടു. കസ്റ്റഡി നീട്ടാന് നല്കിയ അപേക്ഷയിലാണ് കേസിനപ്പുറം ബിനീഷിനു നാണക്കേടാകുന്ന വിവരങ്ങള് എന്ഫോഴ്സ്മെന്റ് ഡയറക്ടറേറ്റ് കോടതിയെ അറിയിച്ചത്. ലഹരിമരുന്ന് വില്പനയുണ്ടെന്നും ഇതു സംബന്ധിച്ചു മൊഴികള് ലഭിച്ചതായും അപേക്ഷയില് പറയുന്നു.
2020-11-03