പോയിന്റ് പട്ടികയിലെ മുമ്പന്മാർ നേർക്ക് നേർ വന്ന പോരാട്ടത്തിൽ പോയിന്റ് പങ്കു വെച്ചു മുംബൈ സിറ്റിയും ഹൈദരാബാദ് എഫ്സിയും. മുംബൈയുടെ തട്ടകത്തിൽ വെച്ചു നടന്ന മത്സരത്തിൽ ഓരോ ഗോളുകൾ വീതമടിച്ചു ഇരു ടീമുകളും പിരിയുകയായിരുന്നു. മുംബൈക്ക് വേണ്ടി പെനാൽറ്റിയിലൂടെ പെരേര ഡിയാസ് വല കുലുക്കിയപ്പോൾ ഹൈദരാബാദിനായി ഹിതേഷ് ശർമയാണ് ലക്ഷ്യം കണ്ടത്. ഒരു മത്സരം കൂടുതൽ കളിച്ച മുംബൈ ഏഴു പോയിന്റ് ലീഡുമായി ഒന്നാമത് തന്നെ തുടരുകയാണ്.
2023-02-04