മലയാള സിനിമയുടെ സൂപ്പർസ്റ്റാർ, താരരാജാവ് എന്നൊക്കെ അറിയപ്പെടുന്ന താരമാണ് നടൻ മോഹൻലാൽ. അദ്ദേഹത്തോട് ആരാധകർക്കുള്ള സ്നേഹവും ബഹുമാനവും മോഹൻലാലിന്റെ കുടുംബത്തോടും ഉണ്ട്. അച്ഛന്റെ പാതയിൽ മകൻ പ്രണവ് മോഹൻലാൽ അഭിനയത്തിലേക്ക് എത്തിയപ്പോൾ ഇരുകയ്യും നീട്ടിയാണ് ആരാധകർ സ്വീകരിച്ചത്. പ്രണവിന് നൽകിയ അതേ സ്നേഹവും പ്രോത്സാഹനവും മോഹൻലാലിന്റെ മകൾ വിസ്മയയ്ക്കും നൽകാൻ ആരാധകർ ഒരുങ്ങി കഴിഞ്ഞു. ജൂഡ് ആന്റണി ജോസഫ് ഒരുക്കുന്ന തുടക്കം എന്ന സിനിമയിലൂടെ ആണ് വിസ്മയയുടെ അരങ്ങേറ്റം. ഇപ്പോഴിതാ ഒരു അഭിമുഖത്തിൽ മോഹൻലാൽ മകളുടെ സിനിമാ അരങ്ങേറ്റത്തെ കുറിച്ച് സംസാരിക്കുകയാണ്.
“അവർക്ക് ഒരു സിനിമയിൽ അഭിനയിക്കണം എന്ന് ആഗ്രഹം പറഞ്ഞു. അവര് സ്കൂളിലും കോളേജിലും ഒക്കെ ആക്ട് ചെയ്തിരുന്ന കുട്ടിയാണ്. അവര് ആക്ടിങ് കോഴ്സുകൾ പഠിച്ചിട്ടുണ്ട്. ഡാൻസ് കോഴ്സുകൾ പഠിച്ചിട്ടുണ്ട്. പെയിന്റിംഗ് കോഴ്സുകൾ പഠിച്ചിട്ടുണ്ട്. ഒരുപാട് കാര്യങ്ങൾ പഠിച്ചിട്ടുള്ള ഒരു കുട്ടിയാണ്. ഒരു മാർഷ്യൽ ആർട്ട് പഠിച്ചുകൊണ്ടിരിക്കുകയാണ് ഇപ്പോൾ. ഒരുപാട് കാര്യങ്ങൾ ചെയ്യുന്ന കുട്ടിയാണ്. അങ്ങനെ എന്നോട് ആ കുട്ടി ഒരു സിനിമയിൽ അഭിനയിക്കണം എന്ന ആഗ്രഹം പ്രകടിപ്പിച്ചു.
തുടർച്ചയായിട്ട് ഒന്നും അല്ല, ഒരു സിനിമയിൽ അഭിനയിക്കണം എന്ന് പറഞ്ഞു. ഒരുപക്ഷെ പ്രണവ് അഭിനയിച്ചത് ഒക്കെ കണ്ടായിരിക്കും. എനിക്ക് അതിനുള്ള സമയം ആയി ഞാൻ പ്രിപ്പേർഡ് ആണ് എന്ന് പറഞ്ഞപ്പോൾ ജൂഡിന്റെ ഒരു കഥ വളരെ ആപ്റ്റ് ആയിട്ട് തോന്നി. അതും ഒരു മാർഷ്യൽ ആർട്ടും ആയിട്ട് ബന്ധപ്പെട്ട കഥയാണ്. ആ കഥ കുട്ടിയോട് പറയുകയും ഞങ്ങൾ കേൾക്കുകയും ചെയ്തപ്പോൾ ചെയ്യാം എന്നൊരു തീരുമാനം ഉണ്ടായി.
അതാണ്, ആ സിനിമ ഇനി ഉണ്ടാവണം, അതിൽ അഭിനയിക്കണം, അത് റിലീസ് ആവണം അതൊരു പ്രോസസ് ആണ്. പ്രണവും അങ്ങനെ ആയിരുന്നു. ആയാലും സ്കൂളിൽ ഒക്കെ അഭിനയിക്കുന്ന ആളായിരുന്നു. സിനിമയോട് അത്ര പ്രതിബദ്ധത ഒന്നും ഉണ്ടായിരുന്നില്ല. ഒരു ഘട്ടം വന്നപ്പോൾ അഭിനയിക്കണം എന്ന് പറഞ്ഞു. ഒരു ആക്ടറിന്റെ മകൻ അല്ലെങ്കിൽ മകൾ അഭിനയിക്കണം എന്നൊരു റൂളും ഇല്ല. അതോകെക്കെ അവരുടെ പേഴ്സണൽ ഇഷ്ടങ്ങൾ ആണ്.
അതൊക്കെ അവരുടെ മാത്രം ഇഷ്ടങ്ങൾ ആണ്. ആ ഇഷ്ടങ്ങൾ നമ്മളോട് പറയുമ്പോൾ നമുക്ക് അതിനുള്ള സംവിധാനങ്ങൾ ഉണ്ട്. ഞങ്ങൾക്ക് ഒരു പ്രൊഡക്ഷൻ ഹൗസ് ഉണ്ട്, അതിനുള്ള സൗകര്യങ്ങൾ ഒക്കെയുണ്ട്. നമ്മുടെ സൗകര്യങ്ങളിൽ നിന്നുകൊണ്ട് വിസ്മയയ്ക്ക് ഒരു സിനിമ ചെയ്തു കൊടുക്കാൻ ആഗ്രഹിക്കുന്ന സമയം ആണ്. അതുകൊണ്ട് ആണ് വിസ്മയയ്ക്ക് ഒരു സിനിമ കിട്ടിയത്. അല്ലാതെ നാളെ, മോഹൻലാലിന്റെ മകൾ ആണെന്ന് കരുതി ഒരു സിനിമയും കിട്ടില്ല. നിങ്ങൾ എന്താണ് എന്നുള്ളത് നിങ്ങൾ തന്നെ തെളിയിക്കണം.
അങ്ങനെ അവർക്ക് ചെയ്യാൻ പറ്റുന്ന ഒരു കഥ കിട്ടി. ജൂഡ് അവരുമായി സംസാരിച്ചപ്പോൾ അത് ചെയ്യാം എന്ന് പറഞ്ഞു. വിസ്മയയുടെ കാര്യം എനിക്ക് അറിയില്ല. അവര് ചിലപ്പോൾ എക്സൈറ്റഡ് ആയിരിക്കും. നമ്മുടെ ഫാമിലി എല്ലാം സിനിമയുമായി ബന്ധപ്പെട്ട ആളുകൾ ആണ്. എന്റെ ഫാദർ ഇൻ ലോ, എന്റെ വൈഫിന്റെ കുടുംബം എല്ലാം സിനിമയുമായി ബന്ധപ്പെട്ടവർ ആയതുകൊണ്ട് അവരുടെ ഒക്കെ എക്സൈറ്റ്മെന്റ് എനിക്ക് അറിയില്ല. എനിക്ക് അങ്ങനെ എക്സൈറ്റ്മെന്റ് ഒന്നും ഇല്ല. അത് അവര് നന്നായിട്ട് ചെയ്താൽ അവർക്ക് കൊള്ളാം. അങ്ങനെയല്ലേ പാടുള്ളൂ. അല്ലെങ്കിൽ പിന്നെ ഞാൻ നന്നായിട്ട് ആഗ്രഹിക്കണം എന്റെ മകൻ അല്ലെങ്കിൽ മകൾ ഒരു വലിയ ആക്ടർ ആയി മാറണം എന്ന് ഞാൻ ആഗ്രഹിക്കണം. ഞാൻ അങ്ങനെ ആഗ്രഹിച്ചിട്ടില്ല. എന്നെ കുറിച്ച് തന്നെ ഞാൻ അങ്ങനെ ആഗ്രഹിച്ചിട്ടില്ല.
അവർ വരട്ടെ. ഇത് ഒരു ഹാർഡ് വർക്കിന്റെ ഏരിയ ആണ്. അത്ര ഈസി അല്ല. നമ്മൾ ഒരു പെർഫോമൻസ് ചെയ്ത്, അത് ആളുകൾക്ക് ഇഷ്ടപ്പെട്ട്, അത് ആളുകളുടെ മനസിലേക്ക് എത്തുക എന്ന് പറയുന്നത് ഒരു വലിയ ട്രാവൽ ആണ്. അതിൽ ഒരുപാട് കാര്യങ്ങൾ കൂടി ചേരണം. അതിനൊരു പ്രത്യക ഭാഗ്യം വേണം. അതൊക്കെ ഉണ്ടായി അത് സക്സസ് ആയാൽ വളരെ സന്തോഷം. അത് ആയില്ല എങ്കിൽ അതിൽ സങ്കടപ്പെട്ടിട്ട് കാര്യം ഇല്ല. അത് അവരുടെ കപ്പ് ഓഫ് ടി എൻഡ് എന്നേ ഞാൻ വിചാരിക്കുള്ളൂ. നല്ലത് സംഭവിക്കട്ടെ എന്ന് പ്രാർത്ഥിക്കാം” എന്നാണ് മോഹൻലാൽ പറഞ്ഞത്.