ആലപ്പുഴ: ആലപ്പുഴയില് കഴിഞ്ഞ ദിവസം വീടിനുള്ളില് മരിച്ചനിലയില് കണ്ടെത്തിയ ദമ്പതികളിൽ ഒരാള്ക്ക് കൊവിഡ് സ്ഥിരീകരിച്ചു.ഇവരില് മാവേലിക്കര വെട്ടിയാര് സ്വദേശി ദേവിക ദാസിനാണ് (20) രോഗം സ്ഥിരീകരിച്ചത്. ഇവരുടെ ഭര്ത്താവ് ജിതിന്റെ കൊവിഡ് പരിശോധന ഫലം നെഗറ്റിവ് ആണ്. അതേ സമയം കൊവിഡ് ബാധയുടെ ഉറവിടം കണ്ടെത്താനായിട്ടില്ല. മരിച്ച യുവതിക്ക് കൊവിഡ് സ്ഥിരീകരിച്ച സാഹചര്യത്തില് ഇവരുടെ മൃതദേഹം ഇന്ക്വസ്റ്റ് ചെയ്ത പൊലീസുകാരെല്ലാം നിരീക്ഷണത്തില് പോകേണ്ടിവരും.വാടകവീട്ടിലാണ് ദമ്പതികളെ മരിച്ച നിലയില് കണ്ടെത്തിയത്. മരണത്തിന് മുന്പും പിന്പും ഇവരുടെ വീട്ടിലെത്തിയവരെ കണ്ടെത്താന് ആരോഗ്യവകുപ്പ് ശ്രമം തുടങ്ങിയിട്ടുണ്ട്.
2020-07-09