കോഴിക്കോട് മിഠായിത്തെരുവില് തീപിടിത്തം. പാളയം മൊയ്തീന് പള്ളിക്ക് സമീപത്താണ് തീപിടിത്തമുണ്ടായത്. ഇവിടെയുള്ള ഒരു ചെരുപ്പ് കടയില് നിന്നാണ് തീ പടര്ന്നത്. ഇവിടെ നിരവധി കടകളുള്ളതിനാല് സമീപത്തുള്ള കടകളിലേക്ക് തീ പടരുന്നത് തടയാനുള്ള ശ്രമത്തിലാണ് അഗ്നിരക്ഷാസേന. അഞ്ച് ഫയര് എഞ്ചിനുകള് സംഭവസ്ഥലത്ത് എത്തിയിട്ടുണ്ട്.
തീപിടിച്ച കടകളില് ആളുകള് കുറവായതിനാല് വന് ദുരന്തം ഒഴിവായി. ചെരുപ്പ് കടയുടെ സമീപത്തെ കടയില് രണ്ടു സ്ത്രീകൾ മാത്രമാണ് ഉണ്ടായിരുന്നത്. ഇവരെ ഫയര്ഫോഴ്സ് പെട്ടന്ന് തന്നെ പുറത്തെത്തിച്ചു. തീ ഏകദേശം നിയന്ത്രണവിധേയമായതായി സിറ്റി പോലീസ് കമ്മീഷണർ അറിയിച്ചു