സിംഗപ്പൂര് സിറ്റി: ഉത്തരകൊറിയന് ഏകാധിപതി കിം ജോംങ് ഉന്നും അമേരിക്കന് പ്രസിഡന്റ് ഡോണള്ഡ് ട്രംപും തമ്മിലുള്ള ചരിത്രപരമായ കൂടിക്കാഴ്ച തുടങ്ങി. സിംഗപ്പുരിലെ സെന്റോസ ദ്വീപിലുള്ള കാപ്പെല്ല ഹോട്ടലിലാണ് മുഖാമുഖം ചര്ച്ച നടക്കുന്നത്. ഇത് ആദ്യമായാണ് ഭരണത്തിലിരിക്കുന്ന അമേരിക്കന് പ്രസിഡന്റും ഉത്തരകൊറിയന് മേധാവിയും നേരില്ക്കാണുന്നത്. അണ്വായുധ, മിസൈല് പരീക്ഷണങ്ങള് നടത്തിയും മൂര്ച്ചയുള്ള വാക്കുകള് പ്രയോഗിച്ചും അമേരിക്കയെ നിരന്തരം പ്രകോപിപ്പിച്ച കിം ഈ വര്ഷത്തിന്റെ തുടക്കംമുതല് സ്വീകരിച്ച അനുനയ സമീപനത്തിന്റെ അന്തിമഫലമാണ് ഉച്ചകോടി.
2018-06-12