വാഷിംഗ്ടണ്: അമേരിക്കയില് ആശുപത്രിയിലുണ്ടായ സ്ഫോടനത്തില് ഒരാള് കൊല്ലപ്പെട്ടു, 12 പേര്ക്ക് പരിക്ക്. ടെക്സസിലെ കൊറിയെല് മെമ്മോറിയല് ആശുപത്രിയിലാണ് സ്ഫോടനം നടന്നത്.
ആശുപത്രിയുടെ കെട്ടിടത്തിനുള്ളില് പുതിയ നിര്മ്മാണ പ്രവര്ത്തനങ്ങള് നടക്കുന്ന സ്ഥലത്താണ് സ്ഫോടനം ഉണ്ടായത്. സ്ഫോടനത്തില് കെട്ടിടത്തിന്റെ ഒരു ഭാഗം പൂര്ണമായും തകര്ന്നു.
ഇതിനു പിന്നാലെ ആശുപത്രിയില് നിന്ന് രോഗികളെ മറ്റൊരു ആശുപത്രിയിലേക്ക് മാറ്റിയിട്ടുണ്ട്.
എന്നാല്, സ്ഫോടനത്തിന്റെ ഉത്തരവാദിത്തം അതുവരെ ആരും ഏറ്റെടുത്തിട്ടില്ല. അന്വേഷണം ആരംഭിച്ചിട്ടുണ്ടെന്ന് അധികൃതര് അറിയിച്ചു.