ന്യൂഡല്ഹി: കൊറോണയെന്ന ഇരുട്ടിനെ അകറ്റാന് ഒമ്ബത് മിനിറ്റ് ജനങ്ങളോട് അഭ്യര്ഥിച്ച് പ്രധാനമന്ത്രി നരേന്ദ്ര മോദി.ഏപ്രില് അഞ്ച് രാത്രി ഒന്പത് മണി മുതല് ഒന്പത് മിനിട്ട് നേരം വൈദ്യുത ലൈറ്റുകള് അണച്ച് കൈവശമുള്ള ചെറിയ ദീപങ്ങള് തെളിയിക്കണമെന്നും പ്രധാനമന്ത്രി നിര്ദേശിച്ചു. ഇങ്ങനെ കൊറോണ ഭീഷണിയുടെ ഇരുട്ട് നമ്മള് മായ്ക്കണമെന്നും പ്രധാനമന്ത്രി.
ടോര്ച്ച് ലൈറ്റോ, മൊബൈല് ഫ്ളാഷോ, മെഴുകുതിരിയോ ചിരാതുകളോ തെളിയിക്കണം. വീട്ടില് എല്ലാവരും ചേര്ന്ന് ബാല്ക്കണിയിലോ വാതില്പ്പടിയിലോ നിന്ന് ഈ ചെറുദീപങ്ങള് തെളിയിക്കണമെന്നാണ് അദ്ദേഹം നിര്ദേശിച്ചത്.കൊറോണയുടെ അന്തകാരത്തില് നിന്ന് പ്രകാശത്തിലേക്ക് നയിക്കാന് നമുക്ക് ഒരുമിച്ച് ഈ സമയം നീക്കിവെക്കാമെന്നാണ് പ്രധാനമന്ത്രി ആഹ്വാനം ചെയ്തത്.