കൊല്ലം : വിസ്മയയെ വിവാഹശേഷം അഞ്ചു തവണ മര്ദ്ദിച്ചിട്ടുണ്ടെന്ന് പ്രതി കിരണ്കുമാര്. പൊലീസ് കസ്റ്റഡിയില് ലഭിച്ചശേഷം നടത്തിയ ചോദ്യം ചെയ്യലിലാണ് കിരണ് ഇക്കാര്യം വെളിപ്പെടുത്തിയത്. എന്നാല് വിസ്മയ മരിച്ച അന്ന് മര്ദ്ദിച്ചിട്ടില്ലെന്നും ഇയാള് പറഞ്ഞു.
മദ്യപിച്ചാല് കിരണ് കുമാറിന്റെ സ്വഭാവത്തില് വന് മാറ്റമെന്നും പൊലീസ് സൂചിപ്പിച്ചു. അതേസമയം വിസ്മയ മരിച്ച അന്ന് മര്ദ്ദിച്ചിട്ടില്ലെന്നാണ് ഇയാള് പറഞ്ഞിരിക്കുന്നത്. എന്നാല്, അന്നേദിവസം ഭാര്യയുമായി വഴക്കുണ്ടായെന്നും കിരണ് സമ്മതിച്ചു. വിസ്മയയുടേതുകൊലപാതകമാണോ ആത്മഹത്യയാണോ എന്ന സംശയം നിലനില്ക്കുന്നതിനിടെ, പൊലീസ് സര്ജന്റെയും ഫോറന്സിക് ഡയറക്ടറുടേയും സാന്നിധ്യത്തില് കിരണിനെ അന്വേഷണ സംഘം ചോദ്യം ചെയ്യും.
കൂടുതൽ വാർത്തകൾക്കും തത്സമയ വീഡിയോകൾക്കും ഞങ്ങളുടെ വാട്സാപ് ഗ്രൂപ്പിൽ അംഗമാകുക
166 സെന്റിമീറ്റര് മാത്രം ഉയരമുള്ള വിസ്മയ 185 സെന്റിമീറ്റര് ഉയരമുള്ള ശുചിമുറിയിലെ ജനാലയില് എങ്ങനെ തൂങ്ങിമരിക്കും എന്ന ചോദ്യമാണ് അന്വേഷണസംഘത്തെ കുഴയ്ക്കുന്നത്. മദ്യപിച്ചു കഴിഞ്ഞാല് കിരണിന്റെ സ്വഭാവത്തിലുണ്ടാകുന്ന അസാധാരണ മാറ്റത്തെക്കുറിച്ച് മനഃശാസ്ത്രജ്ഞരെ കണ്ട് അഭിപ്രായം തേടാനും അന്വേഷണ സംഘം തീരുമാനിച്ചിട്ടുണ്ട്.ഇതിനിടെ നടുറോഡില് പട്ടാപ്പകല് പോലും വിസ്മയക്ക് കിരണില് നിന്ന് മര്ദ്ദനമേറ്റിരുന്നതായി ചിറ്റുമല സ്വദേശിയായ ഹോം ഗാര്ഡും കുടുംബവും അന്വേഷണ സംഘത്തിന് മൊഴി നല്കി.